اقوال سیاہ

جھوٹ کی تین اقسام ہوتی ہیں 1- جھوٹ 2- سفید جھوٹ 3- اعداد و شمار (مشتاق یوسفی)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فقیر کی گالی ، عورت کے تھپڑ اور مسخرے کی بات سے آزردہ نہیں ہونا چاہئے۔ (مشتاق یوسفی)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دور کے رشتے دار سب سے اچھے ہوتے ہیں ، جتنے دور کے ہوں اتنا ہی بہتر ہے۔ (شفیق الرحمن)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جس طرح آج کل کسی کی عمر اور تنخواہ دریافت کرنا بری بات سمجھی جاتی ہے اسی طرح بیس سال بعد کسی کی ولدیت پوچھنا بد اخلاقی سمجھی جائے گی ۔ (مشتاق یوسفی)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بچوں کو پالتے وقت احتیاط کیجئے کہیں وہ ضرورت سے زیادہ نہ پل جائیں ۔ (شفیق الرحمن)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
گھر میں دو تین بچے ہوں تو لاڈلے بنا دئیے جاتے ہیں لہذا بچے ہمیشہ دس بارہ ہونے چاہیئں تاکہ ایک بھی لاڈلا نہ بن سکے ! (شفیق الرحمن)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرد کی آنکھ اور عورت کی زبان کا دم سب سے آخر میں نکلتا ہے۔ (مشتاق یوسفی)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
در حقیقت زندگی اور موت میں کوئی فرق نہیں، کم از کم ایشیا میں! (مشتاق یوسفی)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ماہرین کا خیال ہے کہ عورتوں کو سنجیدہ مرد اس لئے پسند آتے ہیں کہ انہیں یونہی وہم سا ہو جاتا ہے کہ ایسے حضرات ان کی باتیں غور سے سنتے ہیں !! (شفیق الرحمن)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محبوب کی سالگرہ یاد رکھیے لیکن اس کی عمر بھول جائیے۔ (شفیق الرحمن)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
یہ ہمیشہ یاد رکھئے کہ جیسے جیسے محبوب کی عمر بڑھتی جائے گی وہ اپنی امی کی طرح ہوتے جائے گی۔ (شفیق الرحمن)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
:lol: :lol: :lol:
آج کے لئے اتنا ہی۔۔۔ باقی پھر کبھی
Comments
9 Comments

9 تبصرے:

کیپٹن ظہیر نے فرمایا ہے۔۔۔

واہ جی واہ جعفر بھائی! مجھے ایسا محسوس ہو رہا ہے جیسے آپ کا تعلق بھی ذرد صحافت سے ہے۔ کیوں آپ مجھے ہوئے لکھاریوں کے پیچھے پڑے ہوئے ہیں۔ یا شائد آپ چاہتے ہیں کہ آپ کو بھی مانجا لگے اور آپ بھی منجھے ہووں کی فہرست میں شامل ہو جائیں۔۔۔۔ :grin:
مجھے آپ کا صحافتی کیرئر بہت سیاۃ نظر آرہا ہے ان اقوالِ سیاہ کی طرح کیونکہ میں نے سنا ہے کہ کوڑے لگانا بہت پسند کرتے ہیں۔ شکر کریں ہماری محترمہ بینظیر صاحبہ اب یہاں موجود نہیں ہیں ورنہ یہ آرٹیکل ان کے ہاتھ لگنے پر آپ کی یہ درینہ خواہش بھی پوری ہو سکتی تھی۔۔۔۔ :mrgreen: ویسے آپ لکھتے بالکل درست ہیں۔ اور زیادہ بے تکلفی کی معافی بھی :sad:

محمد وارث نے فرمایا ہے۔۔۔

بہت مزے کے اقوال ہیں، آپ کو سیاہ لگے مجھے تو یہ آبِ زر سے لکھنے کے قابل لگتے ہیں یا بقول یوسفی آبِ رز سے بھی لکھ سکتے ہیں :grin:

یوسفی، شفیق الرحمان، کرنل محمد خان، ابن انشا، اردو طنز و مزاح‌ کی دنیا کے ایسے چار درویش ہیں جنکا نام اور کام امر ہو چکا ہے، شکریہ آپ کا قندِ‌ مکرر کیلیے!

jAfaR نے فرمایا ہے۔۔۔

وارث صاحب ۔۔۔ خوش آمدید۔۔
مجھے کیونکہ سیاہ رنگ پسند ہے ۔۔۔ اس لئےان کو اقوال سیاہ لکھا ہے ۔۔۔ :grin:
آبِ رز والی بات خوب کہی۔۔۔ :grin:

ڈفر نے فرمایا ہے۔۔۔

دوسرا اور آخری قول تو کامیاب زندگی گزارنے کے لئے بہترین ہیں
ایک سے بندے کے اندر کا کتا مر جائے گا دوسرے سے امید :mrgreen:

بلوُ نے فرمایا ہے۔۔۔

ر حقیقت زندگی اور موت میں کوئی فرق نہیں، کم از کم ایشیا میں! (مشتاق یوسفی)
اس میں‌ اگر ایشیا کی جگہ پاکستان لگا لیں تو زیادہ اچھا ہے :razz:

jAfaR نے فرمایا ہے۔۔۔

::ڈفر:: :grin: آخری قول ایک انتباہ ہے ۔۔۔ کہ پلیز ہوشیار۔۔ یہ پتلی کمر کل پورا کمرہ بھی بن سکتی ہے۔۔۔ :mrgreen:
::بلو:: آپ کی فرمائش یوسفی صاحب کو پہنچا دی جائے گی۔۔۔۔ :mrgreen:

کامی سیالکوٹی نے فرمایا ہے۔۔۔

جناب کتنے پیسے بن گئے آپ کے ۔۔۔۔

ماوراء نے فرمایا ہے۔۔۔

بہت خوب۔ :grin:
تیسراں اور نواں اچھے ہیں۔ :grin:

jAfaR نے فرمایا ہے۔۔۔

::ماوراء:: تیسرے کے بارے میں‌ تو یقین تھا کہ خواتین کو ضرور پسند آئے گا۔۔۔ کیونکہ ان بے چاریوں کا ہی رشتے داروں سے پالا پڑتا رہتاہے۔۔۔ دور کے ہوں یا نزدیک کے ۔۔ ۔ :eek:

تبصرہ کیجیے