چرسیلے گلاب جامن

جعفر کا دسترخوان کے ساتھ ایک بار پھر حاضر ہوں۔ پچھلی ترکیب کی سپر ہٹ کامیابی کے بعد حضرات کے پرزور اصرار پر سویٹ ڈش کی ترکیب پیش خدمت ہے۔ گذارش صرف اتنی ہے کہ پکڑے جانے کی صورت میں‌ میرا نام بالکل مت لیں! نوازش ہوگی!!!
ہاں تو پھر اجزاء نوٹ کرلیں۔

1- اچھی کوالٹی کی چرس (حسب ذائقہ اور حسب ہمت)
2- دو کلو گلاب جامن (کسی بھی لاری اڈے میں‌واقع مٹھائی کی دکان سے خریدی گئی ہوں)
3- بس اتنے ہی اجزاء ہیں!!

بہت آسان ترکیب ہے۔ گلاب جامن کھا کر اس کے بعد چرس والا سگریٹ پئیں پھر گلاب جامن کھائیں پھر سگریٹ پئیں پھر گلاب جامن کھائیں‌پھر۔۔۔۔ علی ہذ القیاس ۔۔۔۔ حتی کہ انٹا غفیل ہوجائیں۔
یہ بات دھیان میں رہے کہ یہ ترکیب کسی ایسی جگہ استعمال کریں جہاں پولیس اور گھر والوں کے چھاپے کا ڈر نہ ہو۔ اگر شومئی قسمت سے پھر بھی پکڑے جائیں تو براہ مہربانی میرا نام مت لیں!! اور پولیس کے ہاتھوں‌ پکڑے جانے کی صورت میں اصرار کریں کہ ”پانجہ“ فورا ہی لگا دیا جائے کیونکہ چرسیلے گلاب جامنوں کی وجہ سے درد زیادہ محسوس نہیں ہوگا! ہیں‌جی۔۔۔ کیا کہا!! نہیں ۔۔۔ نہیں ۔۔۔ تجربہ نہیں ہے میرا۔۔۔ کامن سینس کی بات ہے!! اور اگر گھر والوں‌ نے پکڑ لیا تو ایسا ”چھتر پولا“ تو ہوتا ہی رہتا ہوگا آپ کا۔۔۔ اس لئے یہ کوئی زیادہ تشویش کی بات نہیں ہے۔۔۔
بس اب اجازت دیں۔۔۔ اگلی ترکیب کے ساتھ پھر حاضر خدمت ہوں گا۔۔۔ اگر کسی نے مخبری نہ کردی تو۔۔۔۔
Comments
24 Comments

24 تبصرے:

منیر عباسی نے فرمایا ہے۔۔۔

نہ جانے کیوں مجھے اس ترکیب میں سے "اپنائیت " کی "خوشبو" آ رہی ہے؟

جاوید گوندل ۔ بآرسیلونا ، اسپین نے فرمایا ہے۔۔۔

بھائی مشکل تجویز ہے۔ ابھی املی نہیں بنے۔اگر کبھی املیوں کا خرقہِ خلافت زیب تن کرنے کا ارادہ کیا تو، بھنگ کے پکوڑوں کو ترجیج دیں گے۔ کم از کم اجزاء تو مکمل طور پہ قدرتی ہونگے۔ ۔ بھنگ سمیت ۔ ۔ کیا سمجھے آپ ۔ ۔ھیں جی! ؟

ساجداقبال نے فرمایا ہے۔۔۔

اگر چرس ماچس کی تیلی پر چڑھا کے، تھوڑا جلا کر، ہتھیلیوں میں پیس کر ہمراہ کشتہ سگریٹ کیساتھ گلاب جامن میں بھر کے کھائی جاتی تو نشہ دو بلکہ دو سو آتشہ ہو جاتا۔

ریحآن مرزا نے فرمایا ہے۔۔۔

ہا ہا ہا کہ انٹا غفیل ہوجائیں۔

عمر احمد بنگش نے فرمایا ہے۔۔۔

نیز یہ خیال ضرور رکھیں‌کہ چرس والا سگریٹ‌ بھرنے سے پہلے گلاب جامن کی چکنائی سے ہتھیلی تر کر لیں، اور کچھ چکنائی بعد کے پانجے کے لیے بھی بچا کر رکھیں، ضروری نہیں‌ہے لیکن حفظ ماتقدم :mrgreen:
گوندل صاحب کے بھنگ والے پکوڑوں‌کی ترکیب بھی فوراً‌سے پہلے ڈھونڈو، تا کہ عام عوام مستفید ہو سکے :mrgreen: :mrgreen:
اور یہ چرس کس طرح‌ہونی چاہیے، کچی یا پکی ہوئی، درے والی یا باڑے والی :twisted: ۔ اور یہ بھی وضاحت کرو کہ اگر گلاب جامن کے اجزاء‌میں‌تھوڑی سی افہیم شامل ہو تو کیا ترکیب پر کوئی فرق تو نہیں‌پڑے گا۔ :mrgreen:
آخری اور کام کی بات، یہ صرف اتنے ہی اجزاء‌سے آپکی کیا مراد ہے؟ :oops: کیا یہ بھی اجزاء میں‌شامل ہے۔

شعیب صفدر نے فرمایا ہے۔۔۔

:cry:
بھنگ والے گلاب جامن کی ترکیب بتائی جائے!!!

جعفر نے فرمایا ہے۔۔۔

::منیر عباسی:: جی ۔۔۔جی بالکل آرہی ہوگی۔۔۔ :mrgreen:
::جاوید گوندل:: تو لکھئے نا بھنگ کے پکوڑوں کی ترکیب۔۔۔ عذاب جاریہ کے لئے :grin:
::ساجد اقبال::‌ صاحب میری ترکیب تو مبتدیوں‌ کے لئے تھی۔۔۔ آپ کی ترکیب ماہر فن اساتذہ کے لئے ہے!!
آپ کی اجازت ہو تو اس کو بھی کبھی استعمال کر لیں گے ۔۔ :lol:
::ریحان::‌ لگتا ہے کہ پہلے بھی کہیں آپ یہ لفظ پڑھ چکے ہیں!!!
::عمر::‌ تجاویز پر سنجیدگی سے غور کیا گیا!!! چرس کی اقسام بارے ترکیب میں‌ وضاحت موجود ہے ۔۔۔ حسب ذائقہ اور حسب ہمت!!! چکنائی والا نکتہ بھی قابل غور ہے!! افیم استعمال کرنے کا مشورہ نہیں‌ دوں‌گا کہ غیر شادی شدہ افراد کے لئے مضر ہے!! بھنگ والے پکوڑے تو بہت آسان ہیں۔۔۔ پہلے پکوڑے کھائیں اس کے بعد بھنگ پی لیں۔۔۔ :mrgreen:
یار! کہیں میرے بلاگ پر انٹی نارکوٹکس والوں کا چھاپہ نہ پڑجائے۔۔۔۔
::شعیب::‌ بھنگ سے تمام حضرات پرہیز کریں۔۔۔ اس سے آدمی ٹھنڈا یخ ہوجاتا ہے۔۔ :mrgreen:

افتخار اجمل بھوپال نے فرمایا ہے۔۔۔

بڑے بڑے ماہرِ فن پائے جاتے ہیں بلاگروں میں ۔ یہ آج ہی عِلم ہوا ۔ اور میرے جیسے کم عِلم بھی ہیں جنہیں یہی معلوم نہیں کہ چرس کیا ہوتی ہے
:smile:

جاوید گوندل ۔ بآرسیلونا ، اسپین نے فرمایا ہے۔۔۔

اجمل صاحب!
آپ کی سادگی پہ قربان ہو جانے کو دل کرتا ہے۔
یہ سادگی ہے یا تجاہلِ عارفانہ ۔؟

جعفر نے فرمایا ہے۔۔۔

::افتخار اجمل بھوپال::‌ جی یہ ہوتی کچھ کالی کالی سی ۔۔۔ اور پینے کے بعد بندہ کچھ کچھ مدہوش سا ہوجاتا ہے۔۔۔ اجی!! وہی۔۔۔ جس سے ہمارے جنرل حضرات نے افغان جنگ میں اربوں کمائے تھے ۔۔۔۔ ساتھ میں اس کی ایک کزن بھی تھی۔۔۔ وہ سفید تھی لیکن ۔۔۔۔ اسی لئے شاید اسے ہیروئن کہتے ہیں۔۔۔۔

وسیم نے فرمایا ہے۔۔۔

اللھ تعالی شکر خوروں کو شکر دے دیتا ہے آپکی اس ڈش سے یہ تو پتا چلا کہ آپ کے معصوم دِل میں کِتنی مُحبت ھے چرسیوں کے لے

شاہدہ اکرم نے فرمایا ہے۔۔۔

جعفر ايسے نادر خيالات اور ترکيبيں کہاں سے ذِہن ميں آتے ہيں آج ميں ايک سويٹ ڈِش کی ہی ترکيب لِکھنے والی تھی جو اچانک ظہُور پزير ہو گئ ليکِن اب نہيں لِکُّھوں گی کہ اب شايد اِس ترکيب کے بعد گُلاب جامنوں سے نفرت ہو جاۓ گی توبہ اللہ مُعافی ،ليکِن جو تبصرہ نِگاران ہيں وُہ بھی ماشاءاللہ ايک سے بڑھ کر ايک يعنی سير پر سوا سير

خورشیدآزاد نے فرمایا ہے۔۔۔

دم مارو دم ممممممممم ہا
مٹ جائے غمممممممم ہا
بولو صبح شاممممممم
حال دل حال د للللللللللل

سعدیہ سحر نے فرمایا ہے۔۔۔

سلام جعفر

بہت اچھے ۔۔۔۔۔۔

ایک آرڈر آیا ھے نوٹ کر لو امریکن فوجیوں کو صبح شام یہ گلاب جامن چاھیے میرا خیال ھے پاک بھارت سرحد پہ بھارتی فوجیوں کو بھی محبت سے یہ لڈو کھلا آؤ
طالبان میں بھی بانٹ دو

کامران اصغر کامی نے فرمایا ہے۔۔۔

بیڑہ غرق بھراوا واپس فیصل آباد وی جانا ای کہ نئی ۔
اس دفعہ استقبال کے لئیے سارے شہر کے حلوائی اپنی اپنی کھرپچی کے ساتھ حاضر ہوں گے اور آپ کو سو کھرپچی کی سلامی دیں گئے تکہ طبعیت گلاب جامن ہو جائے۔ :razz:

جعفر نے فرمایا ہے۔۔۔

:؛وسیم:: جی جی بالکل۔۔۔ سارے جہاں کا ”پیار“ ہمارے جگر میں ہے۔۔۔
::شاہدہ اکرم::‌ آتے ہیں غیب سے یہ مضامیں خیال میں۔۔۔۔ :grin:
::خورشید:: اپنے نام کی لاج رکھی ہے آپ نے۔۔۔ بالکل آزاد ۔۔۔ :mrgreen:
::سعدیہ سحر::‌ قارئین کے لئے ہے جی یہ ترکیب۔۔۔ بسم اللہ کریں اور بنا کر بانٹنا شروع کردیں ۔۔۔ امریکی فوجیوں کو تو کچھ اثر نہیں‌ ہوگا میرے خیال سے ۔۔۔ کہ پوری پوری بوتل چڑھا جاتے ہیں وہ تو۔۔۔ یہی حال بھارتیوں کا بھی ہے۔۔۔ اور اپنے طالبان ۔۔۔ اجی محترمہ ۔۔۔ وہی تو بناتے ہیں یہ سُچّا سودا۔۔ تو ان کو بھی کچھ نہیں‌ ہوگا۔۔۔ :mrgreen:
::کامی:: :mrgreen:

SHUAIB نے فرمایا ہے۔۔۔

ترکیب اچھی ہے مگر بنائے کون ؟ پردیسی جو ٹہھرے ۔
اپنے فانٹ میں کشش کی بجائے دلکش بنائیں پڑھنے میں آسانی رہے گی ۔

بلو نے فرمایا ہے۔۔۔

بہت اچھی ترکیب ہے لیکن نا قابلِ استعمال ہے دل تو بہت کر رہا ہے لیکن گھر والوں کا ڈر اور پھر ہمارے پیارے پولیس والے وہ بھی تو ٹھیک ٹھاک خاطر کریں گے۔ نہیں؟؟؟

جعفر نے فرمایا ہے۔۔۔

::شعیب:: خوش آمدید۔۔۔ یہ ترکیب استعمال کرنے کے لئے نہیں ہے۔۔۔ صرف پڑھنے کے لئے ہے!!!! :mrgreen:
فانٹ کے متعلق بات سمجھ نہیں سکا۔ کیا آپ کا مطلب یہ ہے کہ بلاگ آپ کو ٹھیک نظر نہیں آرہا؟؟؟؟؟
::بلو:: اچھااااا۔۔۔۔۔ دل کررہا ہے آپکا۔۔۔ تو بھائی۔۔۔ جب پیار کیا تو ڈرنا کیا۔۔۔
کھالو گلاب جامن اور لگا لو دم۔۔۔۔
:twisted:

غفران نے فرمایا ہے۔۔۔

ہاہاہاہاہا۔ بہت اچھے۔

چرس بھرے سگریٹ کے ساتھ گلاب جامن کھانے کا اتفاق تو نہیں ہوا، البتہ تمباکو بھرے سگریٹ کے ساتھ کباب کھانے کا اتفاق ہوا تھا اور اس وقت جو مزہ آیا وہ نا اس سے پہلے کبھی آیا تھا نا کبھی بعد میں ۔ ایک بار بعد میں دوبارہ کباب کے ساتھ سگریٹ نوش کرنے کا تجربہ کیا تھا مگر اس بار شائد کباب مزے دار نہیں تھے، مزہ نہیں آیا۔

جعفر نے فرمایا ہے۔۔۔

::غفران::‌ سگریٹ کے ساتھ کباب ۔۔۔۔ :shock:
مجھے بھی پیچھے چھوڑ گئے آپ تو۔۔۔
اچھا یہ بتائیں
کبھی پلاؤ کے ساتھ خربوزہ کھایا ہے؟
یا سوجی کے حلوے میں کھوئے والی قلفی مکس کرکے کھائی ہے؟؟؟؟
:mrgreen:

DuFFeR - ڈفر نے فرمایا ہے۔۔۔

پیرودھائی سے سب سے مناسب دکان سے گلاب جامن لے آیا ہوں
4 دن تو میرے پاس ہی ہو گئے امید ہے ہفتہ بھر سے زیادہ دکان پر بھی رہے ہوں گے
چرس بھی موجود ہے اور کے ٹو اور بینسن کی ڈبیاں بھی
ان صرف یہ بتا دین کہ سگریٹ بھروں کیسے؟ :mrgreen:
اور کونسا برانڈ ٹھیک رہے گا؟

جعفر نے فرمایا ہے۔۔۔

::ڈفر:: گولڈ فلیک۔۔۔ جسے عرف عام میں گڈ فلیگ بھی کہا جاتاہے۔۔۔ :mrgreen:
اور ہدایت یاد رہے۔۔۔ میرا نام بالکل نہیں لینا۔۔۔
:grin: :grin:

DuFFeR - ڈفر نے فرمایا ہے۔۔۔

نہیں استاد
یہ ڈفر نشے میں جان دے دے گا
لیکن تمہارا نام بالکل نہیں لے گا

تبصرہ کیجیے