انعامی مقابلہ برائے حصول تصویر مابدولت!

ہمارے ایک بہت پیارے اور عبرت ناک حد تک سنجیدہ تصاویر کھنچوانے کے شوقین دوست نے کتاب چہرے پر ہماری ایک تصویر لگائی تھی، جسے ہم نے فساد خلق کے ڈر سے ہٹادیا۔ تس پر عوام کے ایک طبقے نے شدید غم و غصے کا اظہار کرتے ہوئے مجرم کو کیفر کردار تک پہنچانے کا پرزور مطالبہ کیا!

لہاذا اب ہم ایک انعامی مقابلے کا انعقاد کررہے ہیں۔ تصویر میں سے ہمیں پہچاننے والے کو ایک تازہ ترین (اگرچہ اب ہم باسی ہوچکے ہیں پھر بھی۔۔) تصویر بطور انعام برقی ڈاک کےذریعے بھیجی جائے گی۔ ایک سے زیادہ درست جوابات کی صورت میں قرعہ اندازی کی جائے گی۔ ججز کا فیصلہ حتمی تصور ہوگا۔ (کچھ چائے پانی ملنے کی صورت میں ججز اپنے فیصلے میں مناسب ترامیم بھی کرسکتے ہیں)۔

003

اس تصویر میں کرسیوں پر براجمان تھری مسکیٹیرز میں سے ایک میں ہوں، دوسرا وسیم انوار (جس سے رابطہ ہوئے مدت گزر چکی، خود پڑھ لے تو واپس آجائے، اسے کچھ نہیں کہا جائے گا) اور تیسرا غلام دستگیر ہے، جو کالج کے بعد بالکل ہی لاپتہ ہوگیا تھا۔ اس کے لئے بھی مضمون واحد ہے!

یہ تصویر، ہمارے سکول (لیبارٹری ہائی سکول، یونیورسٹی آف ایگریکلچر، فیصل آباد) کے سالانہ جلسے کی ہے جس میں ہم تینوں کوئز کوئز کھیل رہے ہیں۔ کمپئیر ہمارے بہت محترم استاد فضل محمد صاحب ہیں۔ پس منظر میں ایک صاحب سوٹ پہنے کھڑے ہیں۔ وہ رشید صاحب ہیں جو ہمیں بیالوجی پڑھانے کی کوشش کیا کرتے تھے! ان کے ایک واقعے کا شمار کلاسکس میں ہوتا ہے، جو، اگر کبھی موڈ بنا تو آپ کی نذر کیا جائے گا۔

Comments
38 Comments

38 تبصرے:

محمد احمد نے فرمایا ہے۔۔۔

پوچھتے ہیں وہ کہ غالب کون ہیں
کوئی بتلاؤ کہ ہم بتلائیں کیا

کہ ہم نے تو کتاب چہرے والی تصویر بھی نہیں‌دیکھی ورنہ ضرور قطرے میں دجلہ دیکھنے کی کوشش کرتے ۔

دوست نے فرمایا ہے۔۔۔

درمیان والے صاحب۔

شازل نے فرمایا ہے۔۔۔

دائیں‌طرف والے
اب جلدی سے انعام روانہ کریں

اسد علی نے فرمایا ہے۔۔۔

ھیںتو آپ بیچ والے مگر ٹوپی والا کہوں گا کیونکہ ٹوپی کرانے میں آپ کاکوئ ثانی نھیں :lol:

یاسر عمران مرزا نے فرمایا ہے۔۔۔

تیسرے نمبر والے صاحب، ٹوپی والے نہیں، دوسری سمت میں

م۔م۔مغل نے فرمایا ہے۔۔۔

اے بسا آرزو کہ خاک شد
:razz:

اسماء نے فرمایا ہے۔۔۔

اگر تم دو نمبري نہيں ہو تو تيسرے نمبر والے ہو ٹوپی والے نہيں، اگر ميں نے صحيع پہچان ليا ہے تو مجھے حاليہ تصوير بھيجنے کی ضرورت نہيں خوامخواہ ڈر جاؤں گی

DuFFeR - ڈفر نے فرمایا ہے۔۔۔

یار تجھے پتا تو ہے کہ مجھے پتا ہے
اب فوراً سے پہلے میری جیت کا اعلان کر دے
قرعہ اندازی تک بات گئی تو ”فیر قتل اون گے“ :mrgreen:

فرحان دانش نے فرمایا ہے۔۔۔

درمیان والے صاحب۔

منیر عباسی نے فرمایا ہے۔۔۔

یہ تو سمندر کی تہہ سے سیپی نکالنے کی بات ہو رہی ہے، ویسے میرا شک اس سکاؤٹ پر ہے۔

منیر عباسی نے فرمایا ہے۔۔۔

آپ اس جملے میں ترمیم کر لو پا جی۔

تصویر میں سے ہمیں پہچاننے والے کو ایک تازہ ترین (اگرچہ اب ہم باسی ہوچکے ہیں پھر بھی۔۔) تصویر بطور انعام برقی ڈاک کےذریعے بھیجی جائے گی۔ ایک سے زیادہ درست جوابات کی صورت میں قرعہ اندازی کی جائے گی۔

درست تکا لگانے والے کو ۔۔۔۔۔۔ قرعہ اندازی کی جائے گی۔

جاوید گوندل ۔ بآرسیلونا ، اسپین نے فرمایا ہے۔۔۔

بھائی صاحب! پہلی کرسی پہ فوجی وردی پہنے سر پہ ایس ایس جی کی کلغی لگی ٹوپی پہنے کوئی سگھڑ ٹائپ لڑکا بیٹھا ہے۔نظریں نیچی کئیے کسی قدر شرماتی ہوئی دوشیزہ کی طرح، جبکہ اسکے دونوں ہاتھوں کے انگوٹھے اور اور انگلیوں کی آخری پوریں آپس میں جوڑے ہوئے ہونے کی وجہ سے یہ صاحب کسی بات بے جا طور پہ غورو فکرکر رہے ہیں اور یہ آپ نہیں ہوسکتے کیونکہ یہ ڈسپلن اور نظریں نیچے کر کے شرمانا، آپ کی سوچ اور فطرت سے میلان نہیں رکھتا۔ دوسرے نمبر پہ جو صاحب ہیں وہ قدرے آگے جھکے ہوئے ہیں۔ انکا اوپری دھڑ کا پورا بوجھ اپنی کہنیوں کے ذرئعیے اپنے گھٹنوں پہ ہے۔ جو ان کے بڑے ڈیل ڈول اور نمایاں قد بُت اور جسمانی طاقت کو ظاہر کرتا ہے ۔ وہ بات کرنے میں محو ہیں۔اور انکے چہرے کی پوزیشن ایسی ہے کہ منہ کھلا ہونے کے علاوہ انکی آنکھیں وغیرہ بھی صاف سے نظر نہیں آتیں۔ اور چہرہ ہر قسم کے تاثر سے خالی ہے سوائے بات کرنے کے۔ جبکہ ان کے ھاتھ کی انگلیاں آپس میں گندھی ہوئی ہیں۔ جو انکی اپنی صلاحیتوں پہ قدرے کم خود اعتمادی کا مظہر ہے۔آخر میں جو صاحب بیٹھے ہیں جو ناک کی سیدھ میں دیکھ رہے ہیں اور شکل و صورت بھی ماشاءاللہ انکی اچھی ہے۔ چہرے سے انکے زہین و فطین ہونے کا تاثر ملتا ہے اور بیٹھنے کے انداز سے اپنی ذات پہ خود اعتمادی بھی جھلکتی ہے۔چہرہ مہرہ بھی خوش شکل ہے۔ آپکی سابقہ تحریروں کو ذہن میں رکھتے ہوئے۔اور حسنِ ظن کو مدِ نظر رکھتے ہوئے آپ بائیں سے دائیں تیسرے نمبر والے ہوسکتے ہیں یعنی نہ ایک نبمری نہ دو نمبری یعنی تین نمبری۔

مگر اسمیں بھی ایک مسئلہ ہے کہ اگر آپ کی سابقہ بیان کی گئیں شرارتوں کو ذہن میں رکھا جائے تو آپ درمیان والے مسکیٹر ہوسکتے ہیں۔ کیونکہ درمیان والے صاحب کی طرح کے لوگ اسکولز کالج میں گروپ لیڈر ہوتے ہیں۔ اور اپنی گروپ لیڈری میں وہ تعلیم وغیرہ حاصل نہ کر پانے کی وجہ سے آخر میں اسکول کالج کی زندگی کو خیر آباد کہہ کر زندگی کی بھیڑ میں گُم گُما جاتے ہیں۔ مگر جیسے کہ ہر آدمی حسنِ ظن رکھتا ہے ۔ اور ہمیں آپ کا قاری ہونے کے ناطے یہ حسنِ ظن ہے کہ آپ تیسرے نمبر پہ بیٹھے سامنے دیکھتے ہوئے نو عمر مسکیٹر ہیں۔

بہرحال یہ ایک رائے ہے جس میں بہت سی باتیں اسلئیے بھی رہنے دی ہیں اور نہیں لکھیں کہ مبادا کسی کو پسند نہ آئیں۔ کسی بات کو دل پہ مت لی جئیے گا اور اب اصل بات تو آپ جانے ہیں اور اس معمہ سے پردہ بھی آپ ہٹا سکتے ہیں۔

شاہدہ اکرم نے فرمایا ہے۔۔۔

مُجھے بھی ایسا ہی لگ رہا ہے کہ درمیان میں بیٹھے ہُوئے حضرت آپ ہی ہیں اب دیکھتے ہیں قُرعہ اندازی کا نتیجہ کیا نِکلتا ہے؟؟؟؟

جاوید گوندل ۔ بآرسیلونا ، اسپین نے فرمایا ہے۔۔۔

سسٹر شاہدہ اکرم صاحبہ!

بہن جی آپ کے نئے بلاگ پہ بھی مسئلہ ہے اور وہاں پہ رائے دینا جوئے شیر لانے سے کم نہیں آپ تبصرے کے خانے میں یوآر ایل کو آن یعنی بحال کر دیں۔

خرم نے فرمایا ہے۔۔۔

میں‌تو دو نمبری ہی کہوں‌گا۔ وجہ آپ سب خود تلاش لیں ;-)

اسید ---اصل مجرم نے فرمایا ہے۔۔۔

بھئی یہ تو بڑا ہی مشکل سوال پوچھ لیا ہے آپ نے، البتہ جاوید احمد گوندل صاحب کے انداز جواب دہی نے مجھے بہت متاثر کیا، ان کا مشاہدہ کمال کا ہے۔۔۔

افتخار اجمل بھوپال نے فرمایا ہے۔۔۔

سیدھی سی بات ہے کہ ان تینوں میں سے ایک آپ ہیں :lol:

سعدیہ سحر نے فرمایا ہے۔۔۔

سلام جعفر

مجھے پتا چل گیا ھے آپ کون سے والے ھیں
مگر
میں بتاؤں گی نہیں کیونکہ
مجھے آپ کی تازہ تصویر نہیں چاھیے

:grin: :grin: :grin:

بلوُ نے فرمایا ہے۔۔۔

تیسرے نمبر پر آپ ہیں شائد اس وقت ایسے ہی چپ چاپ رہتے ہوں گے اس لئے تو اب بھڑاس نکالتے ہیں :mrgreen:
سکاؤٹ والے نہیں دوسری سائیڈ والے

راشد کامران نے فرمایا ہے۔۔۔

ایک دفعہ اکبر بادشاہ نے بیربل کو دس احمق پیش کرنے کو کہا۔۔ بیربل نے آٹھ احمق دربار میں پیش کیے تو اکبر نے استفسار کیا کہ دس کی بات ہوئی تھی تو بیربل بولا۔۔ آٹھ یہ اور دو ہم دونوں کہ آپ نے مجھے کس کام پر لگایا اور میں اسے بجا لایا۔۔

لگتے تو درمیان میں ہی ہیں۔۔۔۔ :grin:

خرم شہزاد خرم نے فرمایا ہے۔۔۔

جعفر کی تلاش

ایک اور افسانہ۔ تلاش کر کے کیا کرنا ہے :smile: سسپنس پڑا رہے تو زیادہ بہتر ہے میں تو یہ سوچ رہا ہوں ان تینوں میں سے آپ کوئی بھی نہیں ہو بس ویسے ہی ڈراما بازی کر رہے ہو ہا ہا ہا ہا



ٹوپی والے ہی ہونگے میرے خلا سے

جعفر نے فرمایا ہے۔۔۔

::محمد احمد::قطرے میں‌ دجلہ ۔۔۔ واہ ۔۔۔ آپ کے تبصروں کا انتظار رہتا ہے۔
::دوست:: دیکھیں اور انتظار کریں۔۔ ;-)
::شازل:: آپ انعام کے بارے میں شدید غلط فہمی کا شکار لگتے ہیں۔۔۔ فرض کریں آپ جیت بھی گئے تو انعام دیکھ کر آپ کی چیخیں نکل جائیں گی۔۔۔ :mrgreen:
::اسدعلی:: :lol:
::یاسر عمران:: انتظار کریں اور دیکھیں۔۔۔
::محمود مغل:: یعنی؟؟
::اسماء:: پٹھانوں کے ساتھ رہ کر بھی ڈرتی ہیں آپ؟ میں تو آپ کو بہت بہادر سمجھتا تھا۔۔۔۔ :lol:
::ڈفر:: ناں ناں ناں۔۔۔ بھائی تیرا نام نکل بھی آیا قرعہ اندازی میں تومیں دھاندلی کرکے کسی اور کو جتوادوں گا۔۔۔ تیرے ساتھ تو سودے بازی ہوگی۔۔۔ اس ہاتھ دے اس ہاتھ لے۔۔۔ ;-)
::فرحان دانش:: یہ درمیا‌ن والے کے چہرے پر کیا ایسی چیز ہے کہ ہر کوئی اسی کا نام لے رہا ہے ۔۔۔۔ :lol:
::منیر عباسی:: چھڈو جی ڈاکٹر صاحب۔۔۔ اچھا ڈاکٹر تو مریض کا چہرہ دیکھ کر مرض کی تشخیص کر لیتا ہے :grin: آپ سمندر اور سیپی کی کہانی سنانے لگے۔۔۔ :mrgreen:
::جاوید گوندل::‌ آپ ضرور ہالی ووڈ کی فلموں میں سائیکاٹرسٹ کے کردار ادا کرتے رہے ہیں یا شرلک ہومز آپ کا شاگرد تھا یا آپ ابن صفی کو ناول لکھ کے دیتے رہے ہیں۔۔۔ ان تینوں آپشنز میں سے جو بھی درست ہو اس پر ٹک مارک کردیں۔۔۔ :mrgreen:

جعفر نے فرمایا ہے۔۔۔

::آپی:: بتاؤں گا تو میں نہیں کسی کو بھی۔۔۔ جس کو بھی انعام ملا اس سے حلف لیا جائے گا کہ وہ کسی کو نہ بتائے گا نہ دکھا ئے گا۔۔۔ :lol:
::خرم:: :lol: :lol: :lol: بنا کر فقیروں کا ہم بھیس غالب ۔۔۔
::اسید:: بسم اللہ ۔۔۔ صدقے۔۔۔ آپ کسی بہانے آئے تو سہی میرے غریب خانے پر۔۔۔ اور جان برادر، مجرم تصویر لگانے والے کو نہیں، ہٹانے والے کو لکھا تھا۔۔۔ تصحیح کر لیں۔۔۔ اور آپ تو میرا عظیم تھوبڑا ملاحظہ کر ہی چکے ہیں اس لئے مقابلے میں شرکت کے نااہل قرار پاتے ہیں۔۔ کیونکہ وہ ہوتا ہے ناں کہ انعامی مقابلے والے شرط رکھ دیتے ہیں کہ کمپنی میں کام کرنے والے کے تائے چاچے پھپھڑ خالو ماموں وغیرہ مقابلے میں حصہ نہیں لے سکتے ۔۔۔ ہیں جی ۔۔۔ :grin:
::افتخار اجمل بھوپال:: بالکل درست فرمایا۔۔۔ :grin:
::سعدیہ سحر:: دیکھئے اب اتنا ڈراؤنا بھی نہیں ہوں‌میں۔۔۔ :lol:
::بلو:: تو لاک کردیا جائے۔۔۔
::راشد کامران::‌ :lol: :lol: :lol: :lol: :lol: :lol: :lol: :lol: :lol: :lol:
اس کام پر لگانے کے پیچھے بھی ایک راز ہے ، جو امید ہے آپ ضرور سمجھ گئے ہوں‌گے۔
::خرم شہزاد خرم::‌ :lol: :lol:

اسید نے فرمایا ہے۔۔۔

بھائی بھاڑ میں گیا انعام اب آپ بس صحیح جواب بتا دیں، مہربانی ہوگی۔۔۔
مجھے پتا ہے کہ بھیجنا آپ کو کسی کو نہیں ہے۔۔۔

بلوُ نے فرمایا ہے۔۔۔

کر دیں جی لاک

جاوید گوندل ۔ بآرسیلونا ، اسپین نے فرمایا ہے۔۔۔

::جاوید گوندل::‌ آپ ضرور ہالی ووڈ کی فلموں میں سائیکاٹرسٹ کے کردار ادا کرتے رہے ہیں یا شرلک ہومز آپ کا شاگرد تھا یا آپ ابن صفی کو ناول لکھ کے دیتے رہے ہیں۔۔۔ ان تینوں آپشنز میں سے جو بھی درست ہو اس پر ٹک مارک کردیں۔۔۔از طرف جعفر۔

جعفر بھائی! ان تینوں میں سے کوئی بات بھی درست نہیں لہٰذا آپ انعام کے حقدار نہیں ٹھرے :lol:

ویسے بتائے دیتا ہوں کہ صیحیح طرح سے خود مجھے بھی علم نہیں مگر شاید اسکا تعلق چھوٹی عمر سے،دشت و بیاں بانوں میں سؤر ، گیدڑ ، بلے، بھیڑیے کے شکار کے لئیے انکا کھوج لگانےاور جنگل میں ہماری نگرانی میں سے بھینسوں کے غول کے غول کے سینگ سما کر موجی ہوجانے کے بعد گُم ہونے کی وجہ سے اپنے قبیلے کے بڑوں کی لعن طعن اور ملامت سے بچنے کے لئیے انکے دوبارہ دریافت کرنے کے مشاہدے اور جستجو کی عادت سے ہے۔ یہ غالبا یہ مشاہدے کی شروعات تھیں۔ بعد میں تو ہم خود ہی دنیا کے جنگل میں گُم ہوگئے۔ :lol:

منیر عباسی نے فرمایا ہے۔۔۔

ٹپ دینے کا شکریہ ۔ سکاؤٹ تو نکل گیا لسٹ سے جعفر۔ اب دیکھتے ہیں باقی دونوں میں سے کون اب یہ حرکتیں کر رہا ہے۔

جعفر نے فرمایا ہے۔۔۔

::اسید:: بھائی جان اتنی بے اعتباری بھی اچھی نہیں ہے۔۔۔ بھیجیں گے اور اوش بھیجیں گے، پہلے قرعہ اندازی تو ہوجائے۔۔۔ ;-)
::بلو:: اور چابی کہاں پھینکوں، نالہ لئی میں۔۔۔ :mrgreen:
::جاوید گوندل::‌ :grin:
::منیر عباسی::‌ ”یہ حرکتیں“ :mrgreen: :mrgreen:

اسماء نے فرمایا ہے۔۔۔

اب نتائج بھی نشر کر دو

حجاب نے فرمایا ہے۔۔۔

میں نے سب کے تبصرے پڑھنے سے پہلے ہی تصویر دیکھ کر درمیان والے کو سوچا تھا کہ آپ یہی ہونگے :smile: درمیان والے لڑکے کے چہرے پر وہ شرارت نظر آ رہی ہے جو آپ کی تحریر میں نظر آتی ہے ۔۔ اور اگر آپ وہ نہیں تو مطلب میری نظر کمزور ہوگئی ہے :razz:

شاہدہ اکرم نے فرمایا ہے۔۔۔

حِجاب ٹھیک کہہ رہی ہے

عمر احمد بنگش نے فرمایا ہے۔۔۔

ہاں‌بھئی جعفر :mrgreen: ، بہت ہو گئی تیری ہا ہو، تیرا مقصد بھی پورا ہو گیا یہ شوشہ چھوڑنے کا، امن ہو گیا ہے ;-) اب تم ایسا کرو کہ صبح‌تک مجھے بھیج ہی دو اپنا‌"تھوبڑا" :lol: ، جس کی پرزور فرمائش کتاب چہرہ پر کی گئی تھی، اسید سے تو پھر حساب چکتا کریں‌گے، اس نادر دریافت کو کھونے کی قیمت تو اسے ادا کرنی ہی ہو گی :mrgreen: ۔
یہ ہاہو چھوڑو اور فوراً‌ارسال کرو تصویر :smile:

جعفر نے فرمایا ہے۔۔۔

::اسماء:: وہ ذرا دھاندلی کررہاہوں نتائج میں‌ اس لئے دیر لگ رہی ہے۔۔۔۔ :grin:
::حجاب:: میں اور شرارتی۔۔۔ :shock: میں تو بہت ہی زیادہ شریف بچہ ہوں ۔۔۔ یقین نہ آئے تو میری امی سے پوچھ لیں۔۔۔ :grin:
::عمر بنگش:: :mrgreen:

یاسر عمران مرزا نے فرمایا ہے۔۔۔

اف نتائج کہاں ہیں، لگتا ہے آپ ان تینوں میں سے کوئی بھی نہیں اور سب کو الو بنایا جا رہا ہے

جعفر نے فرمایا ہے۔۔۔

جی تو دوستو (از قسم ڈفر و ہمنوا) اور بزرگو (از قسم اسماء :mrgreen: )
قرعہ اندازی کے بعد حقدار کو اس کا حق بذریعہ برقی ڈاک بھیج دیا گیا ہے۔
اب آگے اس کی ہمت اور قسمت پر منحصر ہے کہ تصویر دیکھ کر اس کا کیا حال ہوتا ہے :grin:

جاوید گوندل ۔ بآرسیلونا ، اسپین نے فرمایا ہے۔۔۔

بھائی صاحب!

آپ سیدھی طرح فرما دیتے کہ آپ "تین نمبری" ہیں۔ :lol:

اور یہ ۔۔۔اور بزرگو (از قسم اسماء )۔۔۔۔۔ یہ کیا بات ہوئی۔؟

ہم تو انھیں چھوٹی سی بہنا سمجھتے تھے مگر آپ نے تو حد ہی مُکا دی۔ اب وہ لٹھ لے کر آئیں گی تو فیر۔۔۔۔؟

اسماء نے فرمایا ہے۔۔۔

مجھے بزرگو کہا ہے تو رکو ذرا ميں بھی اوپر والے تبصرے ميں جو تمہيں تين نمبری کہا ہے وہ الفاظ واپس ليتی ہوں اب تم دو نمبری ہو :evil:

جعفر نے فرمایا ہے۔۔۔

جاوید گوندل و اسماء
:mrgreen: :mrgreen: :mrgreen: :mrgreen: :mrgreen:

تبصرہ کیجیے