نسوار بھرے پراٹھے

میں آج کل اگرچہ جنت میں ہوں کہ جنت میں ملنے والی نعمتیں جو ہمیں آج تک بتائی گئی ہیں، میں کم و بیش ان سے متمتع (واہ ! کیا لفظ استعمال کیا ہے) ہورہاہوں۔ لیکن میں اپنے دوستوں کو بھولا نہیں۔ اسی سلسلے میں یہ تازہ ترکیب آپ کے "اعلی" ذوق کی تسکین کے لئے پیش خدمت ہے!

ہوسکتا ہے کچھ حاسدین اس ترکیب میں سے تعصب اور نسلی و لسانی منافرت  برآمد کرنے کی کوشش کریں، لیکن میرا خدا جانتا ہے کہ میں بہت نیک، پرہیز گار، غیر متعصب، قومی یکجہتی پر یقین رکھنے والا نہایت ہی عمدہ انسان ہوں! اس لئے ایسے لوگوں کے کہے پر کان نہ دھریں اور اجزاء نوٹ کرکے عنداللہ ماجور ہوں۔

اجزاء مندرجہ ذیل ہیں:

1-  اعلی قسم کی نسوار

2-  سبز مرچ (کافی ساری)

3-  کالی مرچ (5 چمچے۔۔۔جی ہاں! وہی چمچے)

4-  نمک (بالکل نہیں!)

5-  بھنگ کے تازہ پتے

6-  موبل آئل (اگر میسر نہ ہو تو کھانے کے تیل سے بھی کام چل جائے گا کہ زیادہ فرق تو ہوتا نہیں دونوں میں!)

7-  اور ہاں! آٹا (کہ اس کے بغیر پراٹھا کیسے بنے گا۔۔۔ ہیں جی!)

فرائنگ پین میں تھوڑا سا موبل آئل ڈال کر گرم کرلیں۔ پھر اس میں نسوار ملا کر اچھی طرح بھون لیں۔ سبز مرچیں باریک کاٹ کر ملالیں۔ نسوار اچھی طرح بھوننے کے بعد چولہے سے اتار لیں۔ اگلا مرحلہ نہایت اہم ہے۔ یہ ہے آٹا گوندھنے کا۔ امید ہے کہ آپ کو آٹا گوندھنا نہیں آتا ہوگا، مجھے بھی نہیں آتا! یہ تو بڑا مسئلہ ہوگیا، اب کیا کریں؟ ایک حل تو اس سمسیا کا یہ ہےکہ آپ کسی نزدیکی تندور پر جائیں اور خشک آٹا دے کر گوندھا ہوا آٹا لے آئیں یا پھر کسی ہمسائے کا منت ترلہ کرکے اس سے آٹا گوندھوا لیں۔ بہرحال یہ آپ کا سردرد ہے۔ میں آپ کو آٹا گوندھنے کی ترکیب بتانے کا مکلف نہیں! الجبرے کی طرح فرض کرلیں کہ آٹا گوندھا ہوا ہے۔ اب پیڑے بنا کر ان کے درمیان بھنی ہوئی نسوار برابر پھیلادیں اور پیڑے کو بیلنے سے پہلے فی پراٹھا ایک چمچہ کالی مرچ کا ملانا نہ بھولیں! پراٹھے تیار کرنے کے بعد بھنگ کے تازہ پتے بلینڈر میں ڈال کر بلینڈ کرلیں اور اسے حقے کے پانی میں ملا کر "مزیدار چٹنی" تیار کرلیں۔

گرماگرم نسوار ملے پراٹھوں کو بھنگ کی چٹنی کے ساتھ پیش کریں۔ زندگی کا لطف آجائے گا!!!

Comments
23 Comments

23 تبصرے:

کنفیوز کامی نے فرمایا ہے۔۔۔

اچھا جی ساڈے نال جھوٹ۔
بھائی جان آپ کو گھر بھیجا تھا آپ پشاور کیا کر رہے ہیں۔ :shock:

اسماء نے فرمایا ہے۔۔۔

جنتي` سہولتوں ؛ والی جگہ تو آج ہی بی بی سی پر پڑھا ہے بند ہونے والی ہے چھاپوں شاپوں کا پروگرام بن رہا ہے گرينڈ آپريشن کے ذريعے ؛ ايسا نہ ہو پکڑے جنت سے جاؤ اور سزا ابو ظہبی ميں

عمر احمد بنگش نے فرمایا ہے۔۔۔

واہ واہ واہ ،،،،،،،، لطف آگیا :mrgreen: تو ایک نوالہ لگا میں آتا ہوں :lol:

فرحان دانش نے فرمایا ہے۔۔۔

تھو تھو :o :o :o :o

جعفر نے فرمایا ہے۔۔۔

::کامی:: نہ جی پشاور نہیں‌گیا۔۔۔ ادھر ہی ہوں جدھر آپ نے بھیجا تھا۔۔۔ بس رج کھان دی مستی اے۔۔۔ :grin:
::اسماء::‌ پہلے تو یہ بتائیں‌، اتنے دن سے آپ کہاں‌ غائب تھیں۔۔۔ ہیں جی۔۔۔
یہ والے پراٹھے ضرور بنائیں۔۔۔ آپ کے میاں‌کو بہت پسند آئیں‌گے۔۔۔ :mrgreen:
::عمر احمد بنگش:: نئیں یار۔۔۔ تو ہو کے آ ۔۔۔ میں‌انتظار کررہاہوں۔۔۔ اکٹھے ہی کھائیں‌گے۔۔۔ اتفاق میں برکت ہوتا ہے اور صبر کا پھل پلپلا۔۔۔۔ :mrgreen:
::فرحان دانش::‌ آپ تو بڑے تیز رفتار نکلے، پکا کے کھا بھی لئے اور اب تھو تھو کرتے پھر رہے ہیں۔۔۔ :lol:

ساجداقبال نے فرمایا ہے۔۔۔

یہ تو بتادیں کہ اس کے نوالے بنا کر کھائیں یا ترنوالے؟

فائزہ نے فرمایا ہے۔۔۔

زبردست :mrgreen:
زندگی اگر رہی تو واقعی لطف آئے گا :razz:

جعفر نے فرمایا ہے۔۔۔

::ساجد اقبال::‌ اتنا مشکل سوال :shock: ایسا کریں آدھے پراٹھے کے نوالے کرلیں اور باقی کے تر نوالے۔۔۔ :mrgreen:
::فائزہ::‌ :grin:

ڈفر - DuFFeR نے فرمایا ہے۔۔۔

یار چٹنی کا سواد نئی آیا :sad:
ساری محنت ضائع کروا دی
آٹا آنٹی نسترن سع گندھوانے گیا اور ان کے ”خصمِ نامراد“ کی نظروں میں ویسے ہی مشکوک ہو گیا۔
ذاتی زنانی پرایاں نوں آٹا گوندھ کے دے تو شک تو حق بنتا ہے نا جی اس کا :mrgreen:

sadia saher نے فرمایا ہے۔۔۔

سلام جعفر

بہت دن کے بعد آپ نے اپنا شاھی دستر خوان سجایا - ایسے ھی کسی شاھی ترکیب کی امید تھی - ھم عام عوام ھیں سادی روٹی کھاتے ھیں

جعفر نے فرمایا ہے۔۔۔

::ڈفر:: :mrgreen: :lol:
آنٹی کو میرا سلام کہا تھا کہ نئیں۔۔۔
خصم نامراد سے چھپ کے جانا تھا ناں۔۔۔ ;-)
::سعدیہ سحر::‌ شاہی دسترخوان۔۔۔ :mrgreen:

Bdtmz نے فرمایا ہے۔۔۔

Lol @ Kamran n asma dono nay chakay lagaye hai
@ dfr: yaar auntiyo ki jaan chor do achi baat nai :p

SHUAIB نے فرمایا ہے۔۔۔

میں نے کھائے نہیں مگر دوستوں کو کھلائے، وہ پورا دن سوتے رہے دوسرے دن خیریت پوچھنے میرے فلیٹ پر جمع تھے ۔
یہ کیوں نہیں بتایا کہ صرف خود کھانے کیلئے ترکیب ہے!!!

جعفر نے فرمایا ہے۔۔۔

::بدتمیز:: میرے یارکرز اور باؤنسرز کی تعریف کدھر ہے۔۔۔ :mrgreen:
::شعیب:: غلطی ہوگئی جی۔۔۔ آئندہ احتیاط کروں‌گا۔۔۔ ;-)

عبدالقدوس نے فرمایا ہے۔۔۔

لگتا ہے کسی پھٹان سے تمیں چھتر کباب کھلانے پڑیں گے

عبدالقدوس نے فرمایا ہے۔۔۔

@Duffer
بھائی شکل سے ہی ڈفر لگتا ہے ویسے کرتوت تیرے پونڈوں والے ہیں

جعفر نے فرمایا ہے۔۔۔

::عبدالقدوس::‌ اگر ان کبابوں‌کے مسالے میں‌نسوار ہوگی تو کھاؤں‌گا ورنہ نہیں۔۔۔ :mrgreen:

نازیہ نے فرمایا ہے۔۔۔

اپنے باورچی خانے کی روایت برقرار رکھتے ہوئے وکھری ترکیب پیش کی۔ مبارک باد۔ :lol:

جعفر نے فرمایا ہے۔۔۔

::نازیہ:: شکریہ شکریہ۔۔۔ :mrgreen:

حارث گلزار نے فرمایا ہے۔۔۔

ہاہاہا، جعفر بھائی پراٹھے کیسے پکانے ہیں یہ تو بتا دیا آپنے، یہ بھی بتا دیں کب پکانے ہیں، مطلب کس خاص مہمان کے سامنے پیش کرنے ہیں؟

ویسے ایک بات ہے، آپ یقینا" بھوکے نہیں مریں گے :mrgreen:

جعفر نے فرمایا ہے۔۔۔

::حارث گلزار:: پراٹھے کس کے لئے پکانے ہیں؟ یہ صوابدیدی اختیار ہے جو آپ کی صوابدید پر ہے۔ جس سے بھی آپ "شدید محبت" کرتے ہوں ان کی خدمت میں‌یہ پراٹھے پیش کریں! وہ بھی آپ سے شدید محبت کرنے لگیں گے۔۔۔ :mrgreen:
ہاں جی بھوکا تو نہیں مروں گا، البتہ ایسے پکوان کھا کے ضرور مر مرا سکتا ہوں۔۔۔ ;-)

خرم ابنِ شبیر نے فرمایا ہے۔۔۔

کاکا یہ کیا شروع کر دیا آپ نے لگتا ہے کوئی ہوٹل شوٹل کھولنے کا ارادہ ہے

اب اسے کے بعد کوئی سینڈویچ ہو جائے

جعفر نے فرمایا ہے۔۔۔

::ابن شبیر:: جو حکم بھائی جان۔۔۔ اوجھڑی سینڈوچ کی ترکیب لکھتا ہوں۔۔۔ لطف آجائے گا۔۔۔

تبصرہ کیجیے