سالگرہ

میرے جیسا بندہ کہ جس کا بچپن نادانی، نوجوانی حیرانی اور جوانی پریشانی میں گزری ہو (جوانی ویسے ابھی پوری طرح گزری نہیں، تھوڑی سی باقی ہے)، اس کے لئے سالگرہ کچھ زیادہ خوشی نہیں لاتی کہ ایک اور سال ان حسرتوں کا بھگتان بھگتتے گزر جاتا ہے جو نہ پوری ہوتی ہیں نہ جان چھوڑتی ہیں!

لیکن یہ سالگرہ ایسی ہے جو میرے لئے واقعی خوش ہونے کا موقعہ ہے۔ آج کے دن ٹھیک ایک سال پہلے اس بلاگ کی پہلی پوسٹ شائع ہوئی تھی۔ تو یہ بلاگ ٹھیک ایک سال کا ہوگیا ہے۔ اگر بدقسمتی سے آپ پچھلے ایک سال سے اس بلاگ پر آرہے ہیں اور اپنی سخت جانی کی وجہ سے پوسٹیں بھی پڑھتے رہے ہیں تو شاید آپ نے محسوس کیاہوگاکہ میرا "کلیدی تختہ" کچھ رواں ہوگیا ہے۔ یا پھر میرا ایسا ہی گمان ہے۔ اور سیانے کہتے ہیں کہ ہمیشہ اچھا گمان کرنا چاہئے۔

ارادہ تو یہ تھا کہ اپنی تحاریر اور ان پر کئے گئے تبصروں کا ایک چوندا چوندا انتخاب آپ کی خدمت میں پیش کرتا۔ لیکن پھر سوچا کہ یہ تو ان لکھنے والوں کی تحاریر کے ساتھ کیا جاتا ہے جو یا تو داعی اجل کو لبیک کہہ چکے ہوتے ہیں یا بس کہنے ہی والے ہوتے ہیں۔ اور میرا ابھی مرنے کا کوئی ارادہ نہیں( کسی کا بھی نہیں ہوتا!) کہ میں نے تو ابھی اس کے بچوں کی خوشیاں بھی دیکھنی ہیں! اور ویسے بھی بے شرم جلدی نہیں مرتے۔

اپنے دوستوں کا شکریہ میں سوویں پوسٹ میں ادا کرچکا ہوں، باربار بلکہ اب توایک بار بھی شکریہ ادا کرنا ہماری تہذیب میں معیوب سمجھا جانے لگا ہے اور آپ تو جانتے ہی ہیں کہ میں کتنا تہذیب یافتہ انسان ہوں۔ انسانیت کو مجھ پر فخر بلکہ فخر عالم ہونا چاہئے! ہیں جی!!

Comments
32 Comments

32 تبصرے:

اسماء پيرس نے فرمایا ہے۔۔۔

پہلی مبارک ميری طرف سے

اسماء پيرس نے فرمایا ہے۔۔۔

جب تم نے بلاگ شروع کيا تھا اسوقت ميں بچی تھی وہ تحرير بعد ميں پڑھی اب بھی کم عمری کی وجہ سے تمہاري زيادہ تر باتيں دوسرے کان سے نکل جاتی ہيں ايک سال پورا ہونے پر تمہارے بارے ميں يہی کہوں گی وہ آيا اس نے ديکھا اور فتح کر ليا

خرم ابنِ شبیر نے فرمایا ہے۔۔۔

مبارک ہو جناب اتنے کم عرصے میں اتنی کامیابی بہت کم لوگو کو ملتی ہے ماشاءاللہ آپ ایک بہت اچھے لکھاڑی ہیں اللہ تعالیٰ آپ کو کامیابیاں عطا فرمائے آمین

عمر احمد بنگش نے فرمایا ہے۔۔۔

مبارک ہو۔۔۔۔۔۔۔
تفصیلی تبصرہ فیر کریں‌گے :mrgreen:

خرم نے فرمایا ہے۔۔۔

"اس" کا کھیڑا چھوڑ دو یا پھر اسے اپنی تصویر بھیج دو۔ سالگرہ والے دن بھی "ماموں" بننے کا ہی ارمان ظاہر کیا کم ہمتے۔ :evil:

ابوشامل نے فرمایا ہے۔۔۔

مبارک ہو جعفر۔ 2009ء اور 2010ء میں آنے والے نئے بلاگرز تازہ ہوا کا جھونکا ہیں۔ اور بلاگرز کی اس نئی نسل میں آپ کو ممتاز مقام حاصل ہے۔ اللہ مزید کامیابیاں دکھائے۔

ابن سعید نے فرمایا ہے۔۔۔

بہت بہت مبارک ہو پیارے۔ بلا شبہہ آپ کی باتیں دلچسپ اور با مقصد ہوتی ہیں۔ مقصدی طنز تو اکثر لوگ لکھ لیتے ہیں پر مقصدی مزاح لکھ پانا کچھ ہی لوگوں کے بس کا روگ ہوتا ہے۔ اور آُ ان کچھ لوگوں میں سے ایک ہیں۔ اللہ آُ کو مزید توفیق عطا فرمائے۔ آمین۔

عبداللہ نے فرمایا ہے۔۔۔

جانتا ہوں کہ میری مبارکباد کی نہ تو آپکو ضرورت ہوگی اور نہ ہی انتظار :razz:
پھر بھی سالگرہ مبارک ہو،نادانیوں، حیرانیوں اور پریشانیوں میں افاقہ ہو :smile:

کنفیوز کامی نے فرمایا ہے۔۔۔

بڑی بڑی مبارک ہوے جناب بڑا تھکیا تھکیا اظہار اے سارا سال تعریف کم ہوئی ہے یا لکھ لکھ کے تھک گئے سو ۔ :razz:

محمداسد نے فرمایا ہے۔۔۔

بلاگ سالگرہ بہت مبارک ہو جعفر۔ بہترین نیا بلاگ کا ایوارڈ ملنے کے بعد کچھ کہنے کی ضرورت تو نہیں لیکن آپ کا انداز تحریر واقعی بہت اچھا اور دیگر بلاگرز سے قدرے منفرد ہے۔ صاف ستھرا طنز و مزاح لکھنا تو ویسے بھی کوئی آسان کام۔

شاھ بھائی نے فرمایا ہے۔۔۔

اللہ کرے زور قلم اور زیادہ

جعفر نے فرمایا ہے۔۔۔

مجھے پتہ تھا کہ سب میری تعریفیں‌کریں‌گے۔۔۔ :mrgreen:
::اسماء:: خیر مبارک۔۔ اور اتنے زبردست تعریفی کلمات کے لئے بہت بہت شکریہ۔ واقعی آپ ابھی تک بہت چھوٹی ہیں، یہی کوئی 60 کے اریب قریب۔۔۔ :grin:
::خرم ابن شبیر:: بھائی جان، خیر مبارک، لیکن یہ لکھاری کا خطاب کیوں دے دیا یار، ایسے ہی بس پٹھا سدھا لکھنے والے لکھاری تھوڑا ہی ہوتے ہیں۔۔۔ :smile:
::عمر بنگش:: کیوں جی، اوہ اچھا۔۔۔ اج کل ذرا ڈی جے بنے ہوئے او ناں ، ایس کرکے۔۔۔ :mrgreen:
::خرم:: جتنا ٹائم وہ بتاتی ہے ناں جی اس وقت بندہ اپنے بچوں‌کا دادا لگنے لگتا ہے، دادا لگنے سے ماما لگنا بہر حال بہتر ہے۔۔۔ اور جس عمر میں اس کے بچے ہوں گے اس وقت تو ہر خاتون بہن ہی لگنے لگتی ہے ۔۔۔ ہیں جی۔۔۔ :lol:
::ابوشامل::‌ شکریہ جناب، ذرہ نوازی ہے آپ کی۔۔۔
::ابن سعید:: اب میں اس کے علاوہ ‌کیا کہوں کہ حسن تو دیکھنے والی آنکھ میں‌ہوتا ہے ۔۔۔ بہت بہت شکریہ۔۔۔
::عبداللہ:: خیر مبارک۔۔۔
::کنفیوز کامی:: او بس ہے اک گل۔۔۔ دسی تے سی تہانوں۔۔۔
::محمد اسد:: بہت شکریہ جناب، وہ ایوارڈ بھی جی آپ جیسے مہربانوں کی وجہ سے ملا ہے ورنہ مجھ سے بہت اچھا لکھنے والے موجود ہیں بلاگرز میں، بلکہ سب ہی مجھ سے اچھا لکھتے ہیں۔ میری تو بس ایویں ہوا بن گئی ہے۔۔۔ :lol:
::شاہ بھائی:: شکریہ۔۔۔

شعیب صفدر نے فرمایا ہے۔۔۔

جناب مبارک باد قبول کریںِ‌اور لکھتے رہیں

راشد کامران نے فرمایا ہے۔۔۔

تھوڑی سی تاخیر سے مبارک باد قبول کریں۔۔ امید ہے اسی طرح اپنی تحریروں کا جادہ جگاتے رہیں گے۔۔

جعفر نے فرمایا ہے۔۔۔

::شعیب صفدر:: خیر مبارک وکیل صاحب ۔۔۔ آپ کے مفت مشورے پر بھی عمل کرتا رہوں گا۔۔۔ :smile:
::راشد کامران:: خیرمبارک ۔۔ جادو کو جادہ اگر تو آپ نے قصدا لکھا ہے تو واللہ میں‌ بہت سوچنےکے باوجود اس کی رمز نہیں‌ پاسکا، اوراگر ٹائپنگ کی غلطی ہے تو پھر خیر ہے۔۔۔ :grin:

Aniqa Naz نے فرمایا ہے۔۔۔

جوانی اگر اسی طرح گن گن کر گذاریں گے تو بڑھاپے میں سٹھیانے کا امکان جلد پیدا ہوجائے گا۔ بڑی بوڑھیاں کہتی ہیں کہ روٹی پکانے کے بعد گننی نہیں چاہئیے برکت نہیں رہتی۔
تو سالگرہ جس چیز کی بھی ہو چاہے جوانی کی یا نادانی کی گنئے مت۔
لگے رہو منا بھائ۔ مبارک ہو۔

افتخار اجمل بھوپال نے فرمایا ہے۔۔۔

ميری مبارک کی تو کوئی قدر و قيمت ہی نہيں رہی ۔ مگر زمانے کا اصول ہے س ميں بھی آپ کے بلاگ کا ايک سال پورا ہونے کی ايک عدد مبارک آپ پر نچھاور کر ديتا ہوں کونسے پيسے لگتے ہيں
:smile:
اور يہ کيا لکھا ہے آپ نے "اگر بدقسمتی سے آپ پچھلے ایک سال سے اس بلاگ پر آرہے ہیں "
يعنی سب بدقسمت ٹھہرے ؟
:roll:

ڈفر - DuFFeR نے فرمایا ہے۔۔۔

سب سے پہلے تو میری طرف سے مبارکباد قبول کرو ساتھ اس پھول کے جو تم نے ایواتار مین لگایا ہوا ہے
اور دوسرے اس سوال کا جواب دو کہ بچی جوانی ماپنے کا کیا طریقہ ہے؟ قسم سے آج کل امپوٹینسی کے برے برے خیالات و ”خوابات“نے جکڑا ہوا ہے
اور تیسرے یہ بتاو کہ تم نے کہا کہ تم بے شرم ہو لیکن ”اس“ کے بچوں کا ماموں بن جانا تو بےغیرتی کی بات ہے
ہے کہ نئیں؟ :roll:
اگر کوئی بات بری لگی ہو تو ایک دفعہ پھیر مبارکباد قبول کرو :mrgreen:

حارث گلزار نے فرمایا ہے۔۔۔

ابھی کل کی بات لگتی ہے نا؟ :lol:

میری طرف سے سارے قارئین کو مبارکباد۔ اللہ انکے حوصلے بلند کرے، آمین :razz:

ویسے آپکو بھی مبارک ہو بلاگ کا سال مکمل کرنے پر۔ لکھتے رہنا بھیّا، اور جہاں تک اسکے بچوں کی بات ہے، تو مجھے یقین ہے یہ کام خوش اصلوبی سے سر انجام دینے کے لئے بہت لوگ لائن میں ہیں :razz:

sadia saher نے فرمایا ہے۔۔۔

سلام جعفر

مجھے پتہ تھا کہ سب میری تعریفیں‌کریں‌گے۔۔۔ آپ کی اس بات کے بعد میں اب تعریف نہیں کرونگی ۔۔۔۔ پہلے سوچا تھا ایک دو تعریفی کلمات کہونگی اب صرف خالی خولی مبارک باد قبول ھو --- دعا ھے دل جلو کے لیے دوا کا کام کرتے رھیں
جس کا بچپن نادانی، نوجوانی حیرانی اور جوانی پریشانی میں گزری ہو (جوانی ویسے ابھی پوری طرح گزری نہیں، تھوڑی سی باقی ہے)
نادانی جوانی حیرانی پریشانی اور اب پشیمانی اور بے ایمانی رہ گیا ھے

جعفر نے فرمایا ہے۔۔۔

::عنیقہ ناز:: خیر مبارک ۔۔۔اور جو جوانی میں ہی سٹھیا چکا ہو۔۔۔ اس کا کیا ہوگا۔۔۔ :smile:
::افتخار اجمل بھوپال:: نہیں جی، آپ کی مبارکباد کی تو بڑی قدر ہے ہمارے دل میں۔ بزرگوں کی دعائیں تو سبھی کو چاہئے ہوتی ہیں۔
::ڈفر:: اور سب سے پہلے تیسری بات کا جواب۔۔۔ :mrgreen: ہونا تو یہ چاہئے کہ اس پر ایک پوسٹ لکھی جائے لیکن پہلے ذرا خلاصہ بیان کردیا جائے تو اچھا ہے۔ تو بھائی بات یہ ہے کہ ہر نوجوان کوبادل نخواستہ محلے کی کسی لڑکی یا کزن کے بچوں کا ماما کہلوانا ہی پڑتا ہے اور وہ نامرادیں بھی جان بوجھ کر اپنے بچوں کو کہتی ہیں جاؤ بیٹا، ڈفر ماموں کے پاس۔۔۔ :lol: اور یہ لڑکیاں‌وہ ہوتی ہیں جن کے بارے میں بندے نے بڑے خواب دیکھے ہوئے ہوتے ہیں، سوتے ہوئے بھی اور جاگتے میں بھی۔ لیکن ظالم زمانہ، تائے، چاچے، خالو، پھوپھا کی صورت میں بیچ میں‌آکر سارے خوابوں کا سوا ستیاناس کردیتا ہے۔ تو پھر بھائی میرے ایسی بے غیرتی تو برداشت کرنی ہی پڑتی ہے۔۔۔ :grin: اب اگر تو نہ مانے تو دو باتیں ہوسکتی ہیں یاتو، تو جھوٹ بول رہا ہے یا تو وہ استثنی ہے جو اصول کو ثابت کرتا ہے۔۔۔ سالگرہ کی بہت بہت خیر مبارک۔۔۔ :mrgreen: اور سچ سچ بتا تجھے ہر سالگرہ پر کیک کی بجائے مار ہی کھانی پڑتی ہوگی۔۔۔ :lol: امپوٹینسی کے بارے میں گفتگو کرنے کے لئے یہ فورم مناسب نہیں۔ بالمشافہ ملیں، گفتگو صیغہ راز میں رکھی جائے گی۔۔۔ ;-)
::حارث گلزار::‌ بہت شکریہ جناب۔ واقعی پڑھنے والوں کے حوصلے برقرار رہیں گے تو ہی کام چلے گا۔۔۔ :smile:
::سعدیہ سحر:: کتنی بری بات ہے! سالگرہ پر بندہ کوئی تحفہ وغیرہ دیتا ہے، یہاں ہر بندہ جگتوجگتی ہورہا ہے۔۔۔ :grin:
آپ کے اندر کی شاعرہ بھی قافیے دیکھ کر چھلانگ مار کر باہر آ ہی گئی۔۔۔ :mrgreen:

ڈفر - DuFFeR نے فرمایا ہے۔۔۔

‮بھائی میرے تو جانتا ہے کہ جھوٹ تو میں بولتا نہیں بلکہ میں تو اپنے عشقوں اور موشوقوں کے چکروں سے لے کر منگنیوں شادیوں اور بچوں تک سب کو فیس بک پر اپڈیٹتا ہوں
اور جہاں تک گفتگو صیغہ راز میں رکھنے والی بات ہے تو مجھے لگتا ہے کہ حامد میر اور کامران خان کوٹ مار سکتے ہیں لیکن ایک بلاگر نہیں ؛)

جاوید گوندل ۔ بآرسیلونا ، اسپین نے فرمایا ہے۔۔۔

آپ کو بلاگ کی سالگرہ کی مبارک باد قبول ہو۔ اچھے گُمان کرنے پہ دوہری مبارکباد قبول ہو۔ اچھا کیا اس ثانیا کا خیال دل سے نکال دیا کہ اسطرح کے خیالات "نکمہ" کر دیتے ہیں۔ اس سے انسان اِدہر کا رہتا نہیں اور اُدہر کا کوئی ہونے نہیں دیتا نہیں دیتا یوں زندگی بیزارگی اور جُوتم پیزارگی میں گزر جاتی ہے۔ اسلئیے مرزا کے بچے کھلانے پہ تین سو بار مبارکباد قبول ہو۔ :smile:

*ساجد* نے فرمایا ہے۔۔۔

جعفر ، بلاگ کی سال گرہ مبارک ہو۔ :idea:
بھائی میرے ، اگر تمہاری جوانی "پریشانی" میں گزر رہی ہے تو کسی "سیانے" سے رابطہ کرو۔ اگر یونہی اپنی" کمزوری" کا ڈھنڈورہ پیٹتے رہو گے تو نہ صرف "وہ" ہاتھ سے نکل جائے گی بلکہ "وے آگ را" والے بھی تمہارے بلاگ کا پیچھا نہ چھوڑیں گے۔ :mrgreen:

جاوید گوندل ۔ بآرسیلونا ، اسپین نے فرمایا ہے۔۔۔

ہاں اور یاد آیا، پشتو کی ایک کہاوت ہے کہ مرد اور گھوڑا کبھی بوڑھا نہیں ہوتا۔ کھوڑے نوں "لپ" دانیاں دی تے جنے نوں چپّا ٹُکّر دا لبھ دا رہوے تے۔ یعنی یہ جوانی، نادانی، پریشانی، اتنا مسئلہ نہیں ہے۔

شاہدہ اکرم نے فرمایا ہے۔۔۔

ماشاءاللہ ایک سال ہو گیا بہُت مُبارک ہو واقعی وقت کا پتہ ہی نہیں چلتا آپ نے اِس ایک سال میں سچ مُچ اِتنا اچھا لِکھا ہے کہ آپ کو ساتھ ساتھ اِس کا صِلہ مِل گیا ہے بہترین نئے لاگ کی صُورت میں
اللہ کرے زورِقلم اور زیادہ

تانیہ رحمان نے فرمایا ہے۔۔۔

مجھے آج پتا چلا لوگ بلاگ کی بھی سالگرہ مناتے ہیں ۔ میں دو سال پورے ہونے پر دو دفعہ سالگرہ کروں گی ۔جعفر بہت مبارک ہو بہت اچھا بلاگ ہے

جعفر نے فرمایا ہے۔۔۔

::ڈفر:: :grin:
::جاوید گوندل:: خیر مبارک جی۔۔۔ صرف سالگرہ والی مبارکباد کی ۔۔۔ دوسری والی نہیں۔۔۔ :lol:
::ساجد:: شکریہ جناب
یہ "وہ" والی پریشانی نہیں۔۔۔ ;-)
یہ کچھ اور طرح کی پریشانیاں ہیں۔۔
::جاوید گوندل:: یہ جوانی میں پریشانی پر ہر "جوان" کا دھیان "اس" پریشانی کی طرف ہی کیوں‌ جارہا ہے ۔۔۔ ہیں جی۔۔۔ :mrgreen:
::آپی:: بس آپ کی دعائیں ہیں۔۔۔
::تانیہ رحمان:: سالگرہ تو ہر چیز کی منائی جاسکتی ہے۔مثالیں خود ڈھونڈ لیں۔۔
بلاگ یعنی میری تعریف کرنے پر بہت بہت بہت شکریہ۔۔۔۔ :smile:

uncletom نے فرمایا ہے۔۔۔

بہت مبارک ہو جعفر بھای ۔ اگر "اس" کی شادی شدہ زندگی میں‌ کوی خرابی آی تو کہیں‌ وہ آپکو "سُو"(مجھے نہیں پتا اسکو اردو میں کیا کہتے ہیں۔۔( نہ کر دے

جعفر نے فرمایا ہے۔۔۔

::انکل ٹام:: خرابی کی وضاحت کی جائے، آپ کی مراد اگر کسی "ٹیکنیکل" خرابی کی ہے تو میں‌اس کا ذمہ دار کیسے ہوسکتا ہوں۔۔۔ :grin:

ڈفر نے فرمایا ہے۔۔۔

:mrgreen:
ویسے خرابی اگر ٹیکنیکل ہوئی تو مرزا ک ساتھ ساتھ اسکا خصم بھی ”کمزوری تے پردہ پان آستے“ تجھے ہی سُو کرے گا
پھر تو ڈبل سُو ہو جائے گا، مطلب سُو سُو ;-)

جعفر نے فرمایا ہے۔۔۔

::ڈفر:: ہاہاہاہاہاہاہاہاہاہاہاہاہاہاہاہاہاہاہاہا۔۔۔۔۔۔۔۔ کمال ہے یار تو بھی۔۔۔اب یہ مت کہنا کہ تو کمال نہیں، ڈفر ہے۔۔۔۔ :mrgreen:

تبصرہ کیجیے