سہراب مرزا کو خراج تحسین

کل، انجمن عاشقان ثانیہ مرزا (رجسٹرڈ) کی جنرل کونسل کے ہنگامی اجلاس میں سہراب مرزا کو خراج تحسین پیش کرنے کی قرارداد متفقہ طور پر منظور کر لی گئی۔ اس موقعہ پر مختلف اراکین نے خطاب کرتےہوئے سہراب مرزا کے اس اقدام کی تعریف کرتے ہوئے کہا اگر وہ یہ فیصلہ نہ کرتے تو شاید شادی کے ایک ہفتہ بعدہی ہمیں ان کے لئے خراج عقیدت کی قرارداد منظور کرنی پڑتی!

کچھ اراکین نے مرزا صاحب کے اس فیصلہ کاسہرا، بادل نخواستہ، اپنے حریف کے سر باندھتے ہوئے کہا کہ اگر چہ وہ ہمارا رقیب ہے لیکن لگتا ہے کہ اسی کے خط کی وجہ سے مرزا صاحب نے یہ فیصلہ کیا ہے جو دیر سے تو ضرور ہے لیکن درست ہے۔ دیر سے فیصلہ کرنے کی وجہ ان کی بیکری بھی ہوسکتی ہے، کیونکہ بند کھا کھا کے ان کا دماغ بند ہوچکا ہے لہذا میاں صاحب کی طرح ان کو بھی بات ذرا دیر سے ہی سمجھ میں آتی ہے!

اجلاس کے اختتام پر ثانیہ مرزا کے حصول کے لئے رقت آمیز دعا کی گئی۔ جس میں ہر رکن نے سچے دل سے دوسرے تمام ارکان کی اجتماعی ہلاکت کی دعاکی تاکہ "گلیاں ہوجان سنجیاں وچ مرزا یار پھرے" (یہاں مرزا سے مراد ثانیہ تھی سہراب نہیں!!)

جب اس خبر پر رائے لینے کے لئے جعفر سے رابطہ کیا گیا تو انہوں نے یہ بتا کر حیران کردیا کہ انہوں نے بھی ثانیہ سے قطع تعلق کرنے کا فیصلہ کیاہے کیونکہ ان کا دل ثانیہ سے کھٹا ہوگیا ہے۔ دل کھٹاہونے کی وجہ دریافت کرنے پر انہوں نے کہا کہ ان وجوہات میں سر فہرست ثانیہ کا اگلے پانچ سال تک کھٹا کھانے سے انکار کرنا ہے!وما علینا الا البلاغ۔۔۔

Comments
25 Comments

25 تبصرے:

بدتمیز نے فرمایا ہے۔۔۔

اصل خبر کا لنک کس نے دینا تھا؟

منیر عباسی نے فرمایا ہے۔۔۔

لگتا ہے اب اور انتظار کی ہمت نہیں جو پانچ سال کا سن کر دل کھٹا کر لیا۔

ہت تیرے کی۔ عاشق ہو تو ایسا۔

:|

کنفیوز کامی نے فرمایا ہے۔۔۔

بھائی جان اندر کی کہانی کچھ اور ہی لگتی ہے پانچ سال تو بہت ذیادہ ہیں اتنا صبر کس میں ہے ایک سال میں کام شاداب نہ ہو تو کوئی آداب بھی نہیں کرتا۔ویسے اچھا ہی ہوا ٹینس چھوڑنے کی خبر بجلی گرانے سے کم نہیں تھی ۔ :razz:

شاہدہ اکرم نے فرمایا ہے۔۔۔

مُبارک ہو جعفر
سب سے زیادہ آپ کو ہی تپ چڑھی تھی ثانیہ کی منگنی سے ہے نا :lol: :lol: :lol: :lol:

شاہدہ اکرم نے فرمایا ہے۔۔۔

کیا بات ہے تبصرہ کہاں گیا :?: :?: :?:

ڈفر - DuFFeR نے فرمایا ہے۔۔۔

مآخذ کیا ہے اس پوسٹ کا؟
او بھائی اگر اس نے اگلے پنج سالہ منصوبے میں کھٹا شامل نہیں کیا تو اس کی ڈیمانڈ تو مزید بڑھ جانی چاہئے

احمد فارغ نے فرمایا ہے۔۔۔

شاندار پوسٹ ہے :razz:

شاہدہ اکرم نے فرمایا ہے۔۔۔

میرے تبصرے کہاں گئے جعفر :?:

عمر احمد بنگش نے فرمایا ہے۔۔۔

یار تو مان نہ مان یہ تیری ہی کارستانی ہے، ہو سکتا ہے کل کلاں‌ہم ثانیہ بی بی کی دبئی بھاگ جانے کی بھی خبریں‌سنیں، مجھ سے کسی نے پوچھا تو سدھا فجیرہ بجھواؤں‌گا اسے، پُلسوں‌سمیت :mrgreen:
انجمن عاشقان ثانیہ مرزا (رجسٹرڈ) ہاہاہاہاہاہا :twisted:

محمداسد نے فرمایا ہے۔۔۔

چلیں جی آپ خیر منائیں۔ ورنہ اس ثانیہ (سانحہ ) کی ذمہ داری آپ اور آپ کی ایجنسی پر ڈالے جانے کا بھرپور اندیشہ ہے :lol: ۔

جعفر نے فرمایا ہے۔۔۔

::بدتمیز:: گلتی ہوگئی۔۔۔۔ :sad:
::منیر عباسی::‌ اور کتنا انتظار کریں۔ رانجھے جتنا تو کر نہیں سکتے، وہ بھی اس لئے اتنا انتظار کرگیا تھا کہ اسے پکی پکائی مل جاتی تھی، ویسے بھی ذرا کام چور تھا، اس نے سوچا کہ اگر ہیر سے شادی ہوگئی پھر بچے بھی ہوں‌گے ان کے خرچے پورے کرنے کے لئے کام بھی کرنا پڑے گا۔ رانجھا، عاشقوں کا بیٹا ورژن تھا، میں سروس پیک ون ہوں :lol:
::کنفیوز کامی:: حق آکھیا بھائی جان
::آپی:: خوش آمدید، آپ کو دوبارہ یہاں دیکھ کر بہت خوشی ہورہی ہے۔ جی خیر مبارک۔۔۔ لیکن آپ نے پڑھ ہی لیا ہوگا کہ میرا دل کھٹا ہوگیا ہے۔۔۔ :grin:
آپ کے تبصرے سپیم میں‌چلے گئے تھے، کل میں نے اپنے بلاگ کے خوب کان کھینچے ہیں کہ کم عقل، آپی کے تبصرے سپیم میں‌کیوں‌بھیجے۔۔۔ ابھی تک رو رہا ہے۔۔۔
::ڈفر:: ماخذ ایک خبر ہے جو آپ فیس بک پر میری وال پر ملاحظہ کرسکتے ہیں۔۔۔ :mrgreen:
بس اسی ڈیمانڈ اور سپلائی کے چکر نے میرے جیسے مسکین عاشقوں‌ کا خانہ خراب کیا ہو اہے۔۔۔
::احمد فارغ:: شکریہ جناب
::عمر احمد بنگش:: یہ کہاں‌کی دوستی ہے ۔۔۔۔۔۔ تو ان کو یہ مخبری کرنا کہ وہ شمالی وزیرستان بھاگ گئے ہیں۔۔۔ پھر کوئی ہمارے پیچھے نہیں‌ آئے گا۔۔۔ :mrgreen:
::محمد اسد:: :grin:

جاوید گوندل ۔ بآرسیلونا ، اسپین نے فرمایا ہے۔۔۔

خراج تحسین انتہائی مختصر ہے۔ وجوہات بیان کی جائیں۔رقیبِ رُو سیاہ کو بھی لعن طعن کرتے وقت کچھ جملہ تفضیلاتِ اسباب کی جاتی ہیں۔ یاں تو قصہ اجمال رقیب رو سیان کا ہے ۔ جو تھوک کی تعداد میں ہیں۔ پھر یہ کنجوسی؟

جُملہ تفضیلات پہ روشنی ڈالی جائی۔

کنفیوز کامی نے فرمایا ہے۔۔۔

جاوید بھائی بجلی نہیں ہے مجھے ہر طرف اندھیرا ہی اندھیرا نظر آ رھا ہے سوری :cool:

جعفر نے فرمایا ہے۔۔۔

::جاوید گوندل:: پریس ریلیز ہمیشہ مختصر ہی ہوتے ہیں۔ جب میں‌اس پر لکھوں‌گا تو اس میں‌ جملہ تفصیلات بمعہ اشکال فراہم کی جائیں‌گی۔۔۔۔ :grin:

غفران نے فرمایا ہے۔۔۔

او جی، بہت بہت مبارک ۔۔ وہ کسی فلسفی نے کیا خوب کہا ہے ۔۔ اگر کسی چیز کو سچے دل سے چاہو تو پوری کاینات اسکو پانے مین تمہاری مدد کرتی ہے ۔۔ :mrgreen:

غفران نے فرمایا ہے۔۔۔

نہیییییییییییں۔۔۔ جعمفر میاں میرے 2 عدد تبصرے جو میں نے پوسٹے تھے پتہ نہیں کدھر گئے ۔۔۔

اب اپ بس سکی پھکی مبارک باد قبول کرو ۔۔۔ :???:

جعفر نے فرمایا ہے۔۔۔

::غفران:: خیر مبارک :lol: سچے دل سے نہیں‌ کھوچل دل سے ;-)
پہلا تبصرہ سپیم میں‌چلاگیا تھا، اس لئے وہاں‌ سے یہاں‌ آتے کچھ دیر لگ گئی۔۔۔

sadia saher نے فرمایا ہے۔۔۔

اکیسویں صدی کے عاشق کو ایک رقیب سے چھٹکارے پہ مبارک

منیر عباسی نے فرمایا ہے۔۔۔

در اصل غٍران نے بھی اتنے دنوں‌بعد چکر لگایا ہے کہ تمام بلاگ غفران کے تبصروں‌کو پہچان نہیں‌پا رہے ہیں۔ میرے پاس بھی غفران کا تبصرہ سپیم میں‌جا اٹکا تھا۔

جعفر نے فرمایا ہے۔۔۔

::سعدیہ سحر:: :grin:

اسد علی نے فرمایا ہے۔۔۔

بھائ موقح اچھا تھا۔۔۔

جعفر نے فرمایا ہے۔۔۔

::اسد علی:: ہمیشہ دیر کردیتا ہوں میں ہر کام کرنے میں۔۔۔۔

حالِ دل » Blog Archive » ثانیہ کے نام آخری خط (فی الحال!) نے فرمایا ہے۔۔۔

[...] نہیں لینے دیتی؟ اس امر میں کوئی شک نہیں کہ میں نے چند ‘اصولی اختلافات’ پر شادی سے انکار کردیا تھا، لیکن دو طرفہ جامع مذاکرات [...]

محمد طارق راحیل نے فرمایا ہے۔۔۔

نہ جانے کیوں رہی اب تک تمہاری ثانیہ مرزا
ہمیں لگتا ہے‘ تھی کب سے‘ ہماری ثانیہ مرزا
یقیں ہے اب ہمیں‘ بھارت سے ہم کشمیر لے لیں گے
اس دم‘ جب تیری ڈولی اتاری‘ ثانیہ مرزا
بے چارے ”ٹھاکرے“ کا بس نہیں‘ کچھ کر نہیں سکتا
بہادر ہے‘ نہیں بے بس بے چاری ثانیہ مرزا
ہے شرمیلا ”شعیب“ اپنا بیاہا یا کنوارہ تھا
خوشی یہ ہے کہ لائے گا‘ کنواری ثانیہ مرزا
دعا یہ ہے کہ دونوں خوش رہیں‘ ہم جب انہیں دیکھیں
وہ صدقے ثانیہ کے‘ اس پہ واری ثانیہ مرزا
کھلاڑی اور ایکٹر‘ کچھ نہ کچھ کر ہی دکھاتے ہیں
ترا بھی پاوں ہو گا جلد بھاری‘ ثانیہ مرزا
کسی بھی ملک میں رہنا‘ میاں کے ساتھ جا کر تم
بہو رہنا ہماری‘ عمر ساری‘ ثانیہ مرزا
ترا سسرال پاکستان ہے‘ بھارت ترا میکہ
کر سکتی ہے تو دونوں میں یاری‘ ثانیہ مرزا
کہو ”بابل“ سے وہ دریا ہمارے ہم کو واپس دے
ہمیں لوٹائے وہ ”جنت“ ہماری ثانیہ مرزا
”ملک“ سے بھی ترا رشتہ ”ٹوٹ انگی“ بنے گا تب
کرے جب ترک بھارت فوجداری‘ ثانیہ مرزا
بسانے کیلئے بیٹی بہت کچھ کرنا پڑتا ہے
کرے مضبوط ہم سے رشتہ داری‘ ثانیہ مرزا
نہ دے ہم کو مگر آزاد وہ کشمیر کو کر دے
نہیں بے جا کوئی خواہش ہماری ثانیہ مرزا
کریں خوں بابری مسجد کا ہم کیسے معاف اس کو
چھپا رکھا ہے دل میں زخم کاری‘ ثانیہ مرزا
تری نظروں سے کیا اوجھل ہے بھارت میں ہے آئے دن
مسلمانوں پر ظلم و جبر جاری ثانیہ مرزا

جعفر نے فرمایا ہے۔۔۔

طارق راحیل صاحب خدا کے لئے بس کردیں
زبانی یاد ہوگئی ہے اب تو
:shock:

تبصرہ کیجیے